Kundin Kannywood

Kannywood: Martanin Ali Nuhu ga Maganar Adam A Zango

Wani sabon rikici ya sake kacamewa tsakanin Sarkin Masana’antar Kannywood Ali Nuhu da Dangaladimanshi Adam A Zango. Bayan Jarumi Adamu ya saki wani bayani da ya ɗauki hankula a yanar gizo da kafafen yada labarai, yanzu ya sake fitoda wani bayani mai kama da martani ga wasu maganganu marar dadi da yacce yaran Ali Nuhu sun yi mai na zagin Mahaifiyarshi kwanan baya. Shirin Ali Nuhu da Adam A. Zango dai kamar dabo yake, yau in an shirya gobe a sake ɓatawa . Saidai a wannan karon ana ganin kamar za fi ƙamari ganin yanda faɗan ya ɗauki sabon salo har takai shi Zango ɗin ya fito ƙarara yana zargin Ali Nuhu, cewa ya sa yaranshi su zagi Uwar shi a yanar gizo.
Adamun ya zargi Ali Nuhu da sa yaranshi su ci zarafin mahaifiyarshi, inda yacce, “Wane sauran mutunci gareni a Kannywood?” Ko ni dan zinane ga Mama ta ba za’a zagi mahaifiyata in kyale ba, sannan shima ya zagi Ali Nuhun ya kuma ce karsu fasa kasheshi.
Saidai ga dukkan alamu wannan fadan yazo da sabon salo, domin a da idan ana fada da Ali Nuhu yakan yi kira da cewa kada wanda ya shigar ma shi sannan shi ma bazai maida martani ba.

Amman a wannan karin yayi wani rubutu wanda yake alamta cewa shima wannan karin a shirye yake. Alin dai ya rubuta cewa, An zo wajen, duk da dai da dama na kira a gareshi da kada ya biye.
An jima dai ana samun baraka tsakanin taurarin biyu wanda daga baya ake zuwa a shiryasu, sannan wasu kananan jaruman na ganin cewa da gangan taurarin biyu ke kulla fada tsakanin junansu dan rika cece-kuce akansu.
Amman ga dukkan alamu wannan karin bai yi kama da haka ba.
Koma dai minene muna fatan Allah ya daidaita.

DanZubair

I am Abdul-Raheem Zubair by name, Founder- Operator at GobirMob.com. My hobbies are reading, travelling and discovering.

Leave a Reply

Your email address will not be published. Required fields are marked *

WhatsApp Join Group